Hanggang ngayon ay di pa gumagawa ng hakbang ang MTRCB sa pagtawag ni Mike Enriquez ng “Iglesia ni Manalo” sa Iglesia ni Cristo sa “24 Oras.” Dobleng pambabastos ni Mike sa religion, sa INC at sa namatay nitong leader na si Ka Erdy Manalo. Tinawag din niyang “Erdy” si Ka Erdy. Lahat ng member ng INC ay tinatawag siyang “Ka,” pinaikli para sa kapatid, bilang tanda ng pagmamahal at paggalang.

Imposibleng hindi alam ni Mike na ito ay pambabastos dahil matagal na siyang responsableng broadcaster at mataas ng officer ng GMA Network. Alam niya na derogatory ito pero ginamit pa rin niya. Ibig sabihin ay sinadya niya. Hindi katulad ng ABS-CBN News and Public Affairs na ingat na ingat sa pagtawag sa INC at kay Ka Erdy.

Ang balita ng STIR mula sa member ng INC ay iniintay lang mailibing si Ka Erdy bilang paggalang. Dagdag niya, “Maraming kapatid ang nagalit siyempre kasi kay Cristo ang Iglesia at hindi kay Manalo. Kaya nga nakarehistro yan na Iglesia ni Cristo. Di ba? Malaki ang pagkakamali doon ni Mike Enriquez. Nababastusan sa kanya ang maraming kapatid sa INC.”